Юліі Сырых 48 гадоў, яе затрымаў КДБ па дзяржаўнай праграме “Зачысткі радыкальна настроеных асоб” і абвінавацілі ў фінансаванні экстрэмісцкага фарміравання. Пад фінансаваннем сілавікі маюць на ўвазе той факт, што жанчына збірала і дасылала перадачы для палітвязняў у турмы. Юлія Сырых утрымліваецца ў камеры разам з Марфай Рабковай. “У камеры часта праходзяць размовы пра мужчын і каханне” – пісала Юлія знаёмым.
Сама Юлія – валанцёрка фонду “Краіна для жыцця”. Гэты фонд стварыла выгнаная апазіцыя і штаб Святланы Ціханоўскай. Яе затрымалі разам з іншымі валанцёрамі. “Гэтыя людзі, нашыя сябры, займаліся дастаўкай і зборам перадач для палітвязняў. Іх “віна” заключаецца ў датычнасці і чалавечнасці. Рэпрэсіўны апарат дзейнічае па прынцыпе – галоўнае арыштаваць, а разбірацца, якія артыкулы і тэрміны будуць шыць, пачвары пры пагонах і мантыях вырашаць у працэсе, ці дачакаўшыся тэлефоннага званка зверху” – гавораць у фондзе. Юліі пагражае ад пяці да васьмі гадоў пазбаўлення волі.
Пакуль Юлія знаходзілась ў СІЗА, даслала сваёй сяброўцы па перапісцы ёлачную цацку, якую зрабіла ў турме сама.
«Ваша падтрымка дайшла і прынятая мною, за якую вялізнае выратаванне! Шчаслівая, што столькі вялікіх сэрцаў жыве на нашай зямлі, побач са мною. Наша перамога будзе тады, калі ўсе людзі пачнуць клапаціцца і думаць адно пра аднаго” – пісала Юлія суразмоўцы.
У траўні Юліі змянілі меру спынення і адпусцілі да суда.
