Беларуска Вольга Брыцікава стала вядома ў жніўні 2020 года, калі літаральна загнала ў кут сваімі пытаннямі сілавікоў, якія прыехалі на завод “Нафтан” пагаварыць з працоўнымі. Тады нафтаванцы патрабавалі расследаваць гвалт сілавікоў і прызначыць новыя прэзідэнцкія выбары.
Брыцікава ўзначальвала аддзел рэалізацыі нафтапрадуктаў “Нафтана”. Ад яе залежала, як будзе прадавацца прадукцыя прадпрыемства. Вольгу звольнілі за яе грамадзянскую пазіцыю, а пазней арыштавалі на 75 сутак за выказванне супраць вайны ва Ўкраіне. Пасля гэтых сутак на Вольгу завялі крымінальную справу аб закліках захопу ўлады.
