Палітвязня беларуска Ганна Скрыган – кандыдат геаграфічных навук, былая кіраўніца Магілёўскага аддзялення міжнароднага аб’яднання “Экапраект”. Ганну асудзілі на два гады калоніі. Жанчына ўдзельнічала ў экалагічных дыскусіях і “гарэла” ідэяй палепшыць экалагічную сітуацыю ў Магілёве.
“Нізкая экалагічная культура даходзіць часам да экалагічнага невуцтва. Акрамя таго, у нас кожны калупаецца ў сваім прафесійным малюсенькім вочку. Ёсць неабходнасць проста паразмаўляць і пагутарыць. Вось мы сутыкнуліся з Паднікольем [з акультурваннем тэрыторыі]. Прафесіяналы кідаюцца, калі ім уносяць прапановы. Грамадскім ініцыятывам часам не хапае ведаў і кантактаў, неабходных для вырашэння праблемы. Гараджане не так удзельнічаюць, як хацелася б. Але дыялог неабходны” – казала Ганна ў адной з дыскусій.
